LITHEKO TSE NCHA TSA MAFURA – THURSDAY, APRIL 09 2020

Phatlalatso e Potlakileng

Maseru –  Ofisi ea Petroleum Fund e tsebisa sechaba ka ho fetoha hoa litheko tsa mafura tse tlang ho kena ts’ebetsong ho tloha ka Labohlano la la leshome ‘Mesa selemong sena (10 ‘Mesa 2020). Theko ea Peterole 93 e tla theoha ka Maloti a mararo (M3.00) lithara ka ‘ngoe. Peterole 95 e tla theoha ka Maloti a mararo le metso e mehlano (M3.05) lithara ka ‘ngoe, ha theko ea diesel 50 e tla theoha ka Maloti a mabeli le metso e mehlano (M2.05) lithara ka ‘ngoe, theko ea Parafini holeseiling eona e tla theoha ka Maloti a mabeli, mashome a mane le metso e mehlano (M2.45) lithara ka ‘ngoe. 

Litheko tsa mafura literekeng tsohle tsa Lesotho li tla ema tjena:

Peterole 93                                                            M9.30 lithara ka ‘ngoe

Peterole 95                                                            M9.40 lithara ka ‘ngoe

Diesele 50                                                              M10.90 lithara ka ‘ngoe

Parafine ea Malapeng (Holeseiling)                M8.85 lithara ka ‘ngoe

 

Ofisi e eletsa barekisi bohle ba mafura ho fetisetsa litheko tse nepahetseng ho bareki hobane ke tlolo ea molao ho rekisa ka litheko tse fetang tsena. Ho bile le ba nkang monyetla oa liphetoho tsa mofuta ona nakong tsa ho feta, ebe ba rekisa mafura ka litheko tse fetang tse phatlalalitsoeng. Barekisi ba tsebe hore ba tla iphumana ba nkeloa likhato tsa molao ha ba rekisa ka litheko tse fetang tsena tse phatlalalitsoeng. Sechaba se boetse se tsebisoa ka nomoro ea mahala eo se ka e sebelisang ho re tsebisa ka libaka tseo li sa nepahalang. Nomoro eo ke 80022004.

Likopi tsa phatlalatso ena li ka fumaneha liofising tsa Petroleum Fund, LCCI Building, Orpen Road, Old Europa, Maseru, Petroleum Fund website (www.petroleum.org.ls) le liea-le-moeeng tsohle ka har’a naha.

Write a Comment

Your email address will not be published. Required fields are marked *